To Defeat the Boss
Hindi mapigilan ni Amara ang mapalunok sa takot nang masilayan ang halimaw na kailangan nilang talunin. Isa ang ogre sa mga pinakamalakas na uri ng halimaw. Dahil kahit purong pisikal na lakas lang ang taglay nito ay kayang-kaya pa rin nitong makipagsabayan sa ibang malalakas na mga halimaw na kayang gumamit ng elemental magic. Kaya hinding-hindi niya inasahan na ito ang bubungad sa kanila.
Bilang isang dungeon guide ay may mga bagay rin siyang hindi alam; mga bagay na hindi sinabi sa kanya ng diyos ng apoy, at kabilang na roon ang mga Floor Boss. Hindi niya agad masasabi kung anong uri ng halimaw ang magiging Floor Boss ng bawat palapag, pero kapag nakita na niya ito ay agad-agad niya itong makikilala.
Ngayon ay dapat na sana siyang mangamba at matakot para sa kalig
