Narrator’s Point of View
Mula sa kinatatayuan niya ay kitang-kita ni Amara kung paano maghirap ang mga kasamahan sa kakadepensa para lamang hindi makalagpas ang mga orc at makalapit sa kanya. Bilib na bilib siya sa angking lakas na ipinapamalas nina Leo at Clastine.
Ilang orcs na ang napatumba nila, lalo na si Leo na malayang napapana ang naglalakihang halimaw gamit ang goblin’s arrows na may lason mula sa bulaklak ng grimrose. Si Clastine naman ay nagawang sugatan at paralisahin ang iilang orcs na pinakamalapit sa kanya.
Ngunit kahit na ganoon ay hindi pa rin nababawasan ang bilang ng mga ito. Labis-labis ang pagtataka niya dahil hindi naman dapat ganoon karami ang bilang ng mga orc sa palapag na ito. Dahil labis-labis ang bilang ng mga halimaw para sa mga candidate. Hinding-hindi ito
