Kasalukuyan naming binabagtas ang ikaanim na palapag. Papunta na kami sa kinaroroonan ng Mana Lake upang kolektahin ang water orbs ng mga water serpent na naninirahan doon. Mula sa kinatatayuan ko ay kitang-kita ko ang bughay at umiilaw na mga kabute. Habang palapit kami nang palapit ay mas nagiging alerto kami dahil baka bigla na lang may mga halimaw na lumitaw.
Ngunit ilang metro na lang ang layo namin sa lawa ay wala pa rin kaming nakakasalubong o kahit man lang nakikitang orcs. Napakatahimik ng lugar. Walang kahit na anong bakas na may halimaw na naririto.
Napatingin ako sa dungeon guide na muli na namang natahimik. Marahil ay mas tumitibay ang paniniwala niya na totoo ngang bumaba ang mga orc sa ika-apat na palapag. Pero hindi pa namin ito magawang kumpirmahin dahil wala kaming hawa
