Narrator’s Point of View
Walang nagawa si Clastine kundi hayaan na lang si Leo na gawin ang gusto niya sa halimaw. Pero kung siya ang papipiliin ay nais niyang paslangin na ito agad bago pa man ito magtawag ng saklolo mula sa mga kasamahan niya. Alam niya kasing hindi ito nag-iisa, base na rin sa sinabi ni Amara sa kanila. At kahit na sinong nilalang, mapa tao man o halimaw, kapag napunta sa isang alanganin na sitwasyon kung saan nalalagay sa alanganin ang kanilang buhay ay iisa lang ang gagawin nito—ang humingi ng saklolo.
At hindi nga siya nagkamali. Ilang segundo lang matapos na magpakawala ng tila isang iyak ang halimaw ay nabalot ng atungal ang buong kagubatan. Napakalakas. Tila sasabog ang kanyang tainga dahil sa pinapakawalang ingay ng mga halimaw mula sa bawat sulok ng kagubat
