Narrator’s Point of View
Hindi mapigilan ng dungeon guide na mataranta nang marinig niya ang halos magkasabay na atungal ng mga halimaw sa paligid. Alam na alam niyang sagot ‘yon ng mga halimaw sa iyak ng kasamahan nilang pinaslang nina Clastine at Leo.
Tinapunan niya ng tingin ang mga kasamahan pero nagulat na lang siya nang mawala na ito sa kanilang pwesto. Nagsimulang gumapang ang kaba sa kanyang sistema habang pilit na hinahagilap ang mga kasamahan.
Hindi niya alam kung ano ang kanyang gagawin. Gusto niyang umalis sa pwesto niya pero baka mas lalo lang siyang mapalayo sa mga kasama niya. At ayaw niyang mangyari ‘yon dahil paniguradong mas lalaki ang tiyansa na mapahamak silang tatlo.
Nakagat niya ang kanyang ibabang labi nang muling umatungal ang mga halimaw. Pero sa pagkakataon
