Muntik na akong mawalan ng pag-asa na mahanap pa ang mga kasamahan ko dahil na rin sa lawak ng gubat. Nahirapan akong hagilapin sila dahil madilim ang ibang bahagi ng kabugatan, idagdag mo pa ang nakakatarantang atungal ng mga halimaw sa paligid.
Ngayon lang sumagi sa isip ko ang pagsisisi. Sana’y hindi ko na lang binigyan ng pagkakataon ang orc na ‘yon na makapaglabas ng kahit na anong ingay. Hindi sana kami nagkakaganito ngayon. Alam kong ako talaga ang may kasalanan kaya ganito ang sitwasyong kinakaharap namin, kaya naman labis-labis ang kagustuhan kong matagpuan si Amara at nang mabuo na kaming tatlo.
Kanina pa ako tawag nang tawag sa pangalan ni Amara ngunit sa tingin ko ay hindi ‘yon naririnig dahil mas malakas ang atungal na kumakawala mula sa bibig ng mga halimaw. Ramdam ko na an
