Narrator's Point of View
Binabagtas nila Amara, Leo, at Clastine ang malawak na parang. Bawat hakbang na ginagawa ng dungeon guide ay pabigat nang pabigat ang kanyang mga paa, na wari’y isang pahiwatig na kailangan nilang umatras at huwag nang tumuloy pa.
Ramdam ng dungeon guide ang labis na kaba at pangamba habang palapit sila nang palapit sa kinaroroonan ng mga naglalakihang halimaw. Labag man sa loob niya na dalhin ang mga kasama sa kinaroroonan ng mga halimaw ay wala siyang magagawa dahil ‘yon ang kahilingan ng mga ito.
Iniisip pa lang niya na haharap sila sa isang orc ay bumibilis na ang kabog ng dibdib niya sa kaba. Alam na alam niya kasi kung gaano kadelikado ang mga orc. Nahirapan na nga sila sa paglaban sa isa noong nasa ikalawang palapag sila, paano na kaya kung higit pa?
Pe
