"So naroon kanina sa restaurant ang babaing lagi mong kinukwento sa akin, tapos hindi mo man lang sinabi sa akin na naroon siya di sana nakita ko na kung gaano siya kaganda at nagawa ka niyang mabaliw ng ganyan," litanya ni Inigo sa kanya nang magtungo na sila sa bar at sabihin rito na kasabay nila si Ava sa restaurant kanina.
"Kasama niya ang fiancée niya kaya hindi ko na sinabi sa iyo," tugon niya sa kaibigan sabay lagok sa alak na nasa kopita niya.
"Aaaw... May kasama pala, kaya hindi ka nakaporma," saad nito.
Ngumiti lang siya sa kaibigan. Hindi na niya kailangan pang sabihin rito na nahalikan niya kanina si Ava kahit na kasama nito ang fiancée nito. Pero kahit nakahalik siya kay Ava, hindi pa rin niya naiwasang makaramdam ng selos sa paghawak ni Philex rito kanina. Masakit sa mata
