"DOC Harry, umaasa ako na ma-settle mo ang lahat ng ito by Wednesday," pormal na turan ni Paula Monted-Sandoval sa duktor na kausap.
Tumawa ang duktor. Kahit tumatawa naman 'to ay halatang kabado at kung nasa isang palabas lang sana sila sa TV na may genre na comedy, sigurado siyang namamawis na sa TV screen ang ulo nitong medyo napapawis na.
Napangisi si Raegan sa mga itinatakbo ng isipan niya sa mga oras na 'yon. Saka nagkunwaring busy sa pagtipa sa hawak na cellphone habang nagkukunwari siyang gustong-gusto na iniinom ang kape na inorder niya. Pero masyado namang matapang 'yon.
Nah, ang sabihin niya, siya ang klase ng tao na hindi nahilig sa kape lalo kung kape 'yon na nilagyan ng yelo at parang icing na ewan na may disenyo pa sa ibabaw na akala mo naman ay hindi masisira ang disen
