"SINABI niya 'yon sa 'yo?"
"Sshhh, 'wag kang maingay, baka marinig ka niya," kaagad na saway ni Monaliza kay Ever.
Nang makauwi sila galing sa pag-grocery ay dumating do'n ang nurse para dalhin ang mga gamit na naiwan niya sa clinic niya sa ospital na pinasuyo niya rito. Kailangan niya kasi 'yon, kailangan niyang mailipat 'yon sa nirerentahan niyang clinic na nasa labas ng pribadong ospital na pinagtatrabahuhan niya dahil nga pribado ang ospital na 'yon, hindi siya ro'n nagtayo ng clinic. Masyadong mahal ang upa e.
Oo, naisip niyang pasaglit-saglit ay magbukas ng clinic niya since sayang naman ang bayad niya sa upa niyon kahit nakasara 'yon. 'Yon ay kung kakayanin ng kondisyon niya, dama niya kasing maselan ang pagbubuntis niya. Hindi naman niya masisi ang sariling katawan at panganay
