"PABORITO mo pa pala 'yan hanggang ngayon?" tanong kay Monaliza ni Marco Polo nang mailagay na niya sa cart ang junk food na inabot nito.
She just nodded. Umaapuhap siya ng masasabi rito ngunit napakatagal ng proseso ng mga salita sa utak niya sa mga sandaling 'yon sa hindi niya malaman na rason.
Ah, alam niya. Hindi lang niya gustong aminin.
Tahimik siyang bumuntonghininga. Nananatili naman silang naglalakad na dalawa ni Marco Polo sa kalagitnaan ng mga estante ng kung ano-ano, partikular nga sa mga chips, junk foods, hindi na nga niya namalayan na napunta sila ro'n. Wala na rin at nakaikot na ang anak nito at si Ate Celia.
Siguro ay kung may magpapaamin sa kaniya ngayon, kaya naman niyang aminin na may kung anong humaplos na mainit na bagay sa puso niya sa pagkakaalam niyang hanggang
