NATIGILAN ako sa paglakad. Hindi ko alam kung pipikit ako o mas titingin pa nang makita ko si Serge na naka-pantalon lang at walang suot na pang-itaas. Nagpupush-ups ito sa may driveway sa tapat ng main door ng kanilang bahay. May jumping rope din sa tabi niya at dalawang size ng barbel. Kahit na trese anyos pa lang siya ay para na ngang pangbinata ang katawan niya. May korte ang braso na mukhang pinatigas na ng pagbubuhat at push ups. Dahil sa kakaibang pakiramdam ay pumikit ako.
“Hi Lina, hindi kayo nagsabi na pupunta kayo sana nasundo ko kayo sa bahay.” Humihingal ang boses ni Serge na parang galing lang sa malapit. Pagdilat ko ay naglalakad na siya palapit sa amin. Napalunok ako nang mas malapitan ko pang nakita ang katawan niya. Basa ng pawis at namumula ang mukha ngunit hindi ako ma
