NAPABUNTONGHININGA ako bago tumayo at dahan-dahang naglakad para sundan si Carlo. Agad namang lumapit si Ms. Fatima sa akin na mukhang narinig ang sinabi ng pamangkin.
“I have a better idea. May regalo akong swimsuit sa inaanak ko kaso hindi ko pa naibigay. Magkasing edad kayo. ‘Yon na lang ang gamitin mo. Malaki sigurado sa ‘yo ang panligo ni Carlo.”
Umiling ako at ngumiti, “wag na lang po. Pwede po kaya iba na lang gawin natin ‘wag na magswimming?”
“Ayaw mo talaga?” tanong ni Ms. Fatima. Tumango ako at ngumuso.
“Carlo! Maglaro na lang kayo ng game console! Saka na kayo mag-swimming!” sigaw ni Ms. Fatima upang marinig siya ni Carlo na paakyat na ng hagdanan.
Nang huminto si Carlo at tumingin sa ‘kin ay bumuntonghininga ito at tumango.
“I’ll just take a quick shower then join you at
