ANGELICA
NANG manikip ang dibdib ko at bago ako mawalan ng malay ay nag-flash back ang nakaraang sampung taon ng buhay ko.
Isang taon bago bumalik si Angelina at Angel sa buhay ko ay na-diagnose ako na mayroong chronic heart disease. Walang nakakaalam na nagpunta ako sa America para magpaopera at magpagamot. Kahit malungkot ang walong taon na wala si Angelina, iisa lang ang pinanghahawakan ko sa pagsusumikap at pagpupursige araw-araw. Ang lahat ng pinaghirapan kong maipundar ay inaasahan ko pa ring palaguin para maipasa ko sa anak ko at apo kahit na hindi pa sila bumabalik sa akin. Noon tinanong ko ang sarili ko kung anong klase ba akong ina. Noong nawala si Angelina ng tatlong buwan ay halos mabaliw ako sa sakit at pagaalala. Mas malala pa ang sakit na idinulot noon kaysa noong namatay
