NANG magmulat ako ng mata ay napagtanto kong ako’y nasa isang puting silid. May usok sa magkabilang gilid at maliwanag ang paligid. Noong una ay akala ko nasa langit na ako bago ko narinig ang boses ng dalawang anghel na pinakamamahal ko.
“Mama?”
“Lola!”
Napangiti ako at pinilit na bumaling sa kinaroroonan nila sa gilid ng aking kama. Nakatayo sila at halos maduling ako sa paglapit ng kanilang mukha.
“Hindi ako bingi, bakit ba kayo sumisigaw?”
“Kamusta ang pakiramdam mo, Mama?” halos magkasabay ang tanong ng manugang ko at anak.
“Huwag kayong mag-chorus. Maayos na ang pakiramdam ko. Baka napagod lang ako.”
“Mama, natakot lang po talaga kami. Sabi ng doktor mahina daw ang puso mo. Bakit hindi mo sinabi na nagpaopera ka pala sa America? Sana nagpatingin t
