NATULOY kaming dalawa ni Carlo sa France. Nagaral siya maging chef habang ako naman ay sa Fashion. Nag-aral muna kaming mag-French bago nagpunta doon. Mabuti na lang at may pagka-genius din ang kasama ko dahil mas mabilis ako natuto nang mas madalas na kaming mag-usap ng French kaysa Tagalog at Ingles noong nasa Maynila pa. Ngayong nasa ibang bansa na kami at malayo sa sariling bayan, namiss naming magsalita ng Tagalog kaya’t tuwing kami ang magkausap at walang ibang tao, Tagalog ang salita naming dalawa.
“What time ka matatapos?” tanong niya sa’kin nang ihatid niya ako sa school. Iniabot ko sa kanya ang cup ng kape na ininuman ko. Kinuha niya iyon at tinungga. Lumapit pa siya sa isang basuraan sa harapan ng shool bago bumalik sa harapan ko. Noon lang ako sumagot.
“After four hours. Ikaw
