PRINSESA PRIYA
Ngayon kami pupunta ni Fernan sa kasal ng kaibigan niyang si Rafael daw ang pangalan. Kaya nandito si Rap-Rap para ayusin ang kolorete ko sa mukha. Habang inaayos pa ni Georgia ang susuotin kong magarang damit. Napahikab ako dahil sa antok. Simula noong nabuntis ako palagi na lamang akong inaantok ng ganito.
“Ayan! Kabog na ang beautiful face mo madam!”
Nakapilantik pa ang daliri niyang may hawak na brush. Inikot niya ang upuan ko at hinarap niya ako sa salamin na napapalibutan ng mga ilaw.
“Maski ako ay namangha sa itsura ko. Hindi ko akalain na mas magaling pala siyang maglagay ng make-up kaysa doon sa mga nag-aayos sa akin sa tribo. Binawasan niya ang makapal kong kilay at mas lalong naging matangos ang ilong ko. Manipis lang din ang kulay ng labi ko. Mukha akong in l
