It was a Thursday night. At dahil ngayon lang nagtugma ang mga schedules nilang magkakaibigan, nagkasundo silang magkita-kita para sa kanilang girl’s night out. Naroon sila sa loob ng isang private room sa isang karaoke bar. Pero sa halip na magkantahan tulad ng unang plano nila, nag-iinuman at nagkukwentuhan lang sila. Kahit si Cocco na nangunguna lagi sa paghawak sa mikropono at pagbirit ng mga paborito nitong kanta ay mas tutok ang atensyon sa drama ng love life nila ni Ivy.
Tapos na silang pag-usapan ang masaklap na katapusan ng relasyon nina Ivy at Miong kaya ngayon ay ang malabo at komplikadong relasyon naman nina Didi at Lio ang pinag-uusapan nila.
“Ano sa palagay mo, Ivy?” biglang pukaw ni Ginji sa atensyon ni Ivy
