Iiling-iling na napabuga ng hangin si Didi nang makita ang laman ng kitchen cabinets niya.
Dalawang araw pa lang ang nakakalipas mula nang huli siyang mamili. Pero tulad ng madalas mangyari mula nang makitira sa kanya si Ate Greta mag-iisang linggo na ngayon ay simot na naman ang laman ng kitchen cabinets niya.
Ni isang lata ng sardinas ay wala itong itinira. Iyong karaniwan ay umaabot ng two weeks niyang stock, ngayon wala pang isang linggo ay ubos na iyon dahil sa mga kapwa nito tabloid reporters na pawang adik yata sa mga de-latang pagkain kaya ang hilig na dito sa kanila makikain.
Hindi man lang inisip ni Ate Greta na once in a blue moon lang kung mag-grocery siya
