Nicole
"BAKIT hindi kayo magpacheck-up, Anak? Kumonsulta kayo sa doctor para alam niyo kung anong gagawin para makabuo na kayo ni Jason," malumanay na suhestiyon ni Mommy.
"Eh parang insulto na rin 'yon kay Jason, Mom. Baka sabihin niya pa, sinasabi kong may duda ako sa fertility niya. Marami na siyang iniisip ngayon, ayaw kong may maidagdag sa insecurities niya," pagrarason ko kay Mommy. Ilang beses ko na rin kasi na naisip na magpatingin sa doctor, nagtataka kasi ako kung bakit hanggang ngayon ay hindi pa rin kami nakakabuo ni Jason.
Nasa bahay ako ngayon nina Mommy at Daddy, naisipan kong bumisita dahil bagot na bagot na ako sa bahay. Nakakausap ko naman ang mga kasambahay doon pero abala rin kasi sila sa kaniya-kaniyang trabaho. Nasa work naman si Jason at ang mga kapatid niya.
"Eh
