Kanina pa si Hainna hindi mapakali sa loob ng clinic. Ilang beses na rin siyang tinanong ng nurse kung magpapalista na siya. Sabi niya, "Hindi muna. May hinihintay lang ako."
Hinihintay niya ang asawa.
Pero hindi niya alam kung ano ang sasabihin kay Shawn pagdating nito. Sasabihin ba niyang hindi siya buntis? O magsisinungaling siyang buntis siya?
Alam niyang mula pa lang, kasinungalingan na ang lahat. At kung magpapanggap siyang buntis, lalaki pa lalo ang kasinungalingan. Patong-patong na kasinungalingan na ang nagawa niya.
"Think, Hainna. Think," bulong niya sa sarili. Kailangan na niyang magdesisyon ngayon. Kailangan alam na niya ang isasagot sa asawa.
Sumilip siya sa labas ng clinic at nakita ang paparating na sasakyan ni Shawn. Agad siyang lumabas. Baka pumasok pa ito sa loob a
