Pagbaba niya, dumiretso na siya sa komedor. Agad niyang nakita ang Mama ni Shawn na naghahanda ng almusal nila. Nakaramdam siya ng hiya—siya dapat ang gumagawa noon.
"Good morning, hija," magiliw na bati ng biyenan sa kanya. Ngumiti siya rito.
"Good morning po," nahihiya niyang bati.
"Gising na ba si Shawn?"
"Opo, pababa na rin po siguro siya."
"Buti naman. Halika na, maupo ka na. Puro mga healthy foods ang pinahanda ko. You need to start to eat healthy," alanganin siyang ngumiti rito nang maunawaan ang ibig nitong sabihin.
"Meron na ba, hija?" bulong ng biyenan sa kanya.
"Ho?" gulat na sabi niya.
"I mean, meron na bang laman ang tiyan mo?" nakangiting tanong ng biyenan sa kanya.
"Hindi ko pa po sure."
"Magpa-check up ka na kaya, hija," suhestiyon nito. Nagulat siya. Hindi alam a
