Mahigpit na yumakap sa akin si Katherine at pinaulanan ako ng halik sa mukha. Kung normal na araw lang iyon ay baka natawa na ako sa ginagawa niya sa akin ngunit dahil nakikita ko si Jake ngayon na bahagyang nakanganga ang bibig habang pinapanuod kami, kaba ang aking naramdaman. Niyaya ko silang pumasok sa loob ng bahay.
Umupo ako sa sala at pinaupo si Katie sa aking hita. Lumingon siya kay Jake nang pumasok ito. Kita ko ang kakaibang paraan ng pagtitig ni Katie kay Jake. Matagal bago sila nagtitigan na mag-ama bago ngumiti si Katie sa kanya at humarap muli sa akin.
Lumipat ang tingin sa akin ni Jake. Halo-halong emosyon ang nakikita ko sa kanya. Nag-init ang aking mata nang makita na nangingibabaw sa doon ang sakit at pangungulila habang nakatingin sa amin ni Katie. Napalunok ako at tum
