"NASUBUKAN mo na?"
Nagulat si Yanah at napalingon sa may bandang pinto. Ni hindi niya namalayang nakatayo na pala roon si Sir Li. Kalalabas niya lang ng banyo nakatapis lang ng tuwalya. Nakaharap siya sa tapat ng tokador at nakatitig lang sa damit na ibinigay nito sa kaniya.
It was a silk dress. Kulay puting bestida na lampas sa tuhod niya ang haba. Nakita na niya iyon kanina bago siya nagtuloy sa CR at ngayong tapos na siya ay saka niya pa lang iyon pinagmasdang maigi. Simple lang ang tabas ng damit, parang spaghetti strap na dinugtungan ng palda. May desenyo sa parte ng bewang na nagsisilbing partition at nagha-highlight sa kurba ng katawan ng sino mang magsusuot niyon. Hindi siya eksperto sa pagtingin pero alam niyang magandang klase ng tela ang gamit. Malamig at malambot iyon sa bala
