MABILIS na lumipas ang mga araw at sigurado na si Yanah na ayos na ang kaniyang pakiramdam. Pinaghandaan niya ang araw na 'yon para bumalik sa pagtatrabaho. Hindi pa nagliliwanag ay gising na ang dalaga at sinimulan na ang mga gawain.
Siya ang nagluto nang umagang iyon at nagpapasalamat siya na nang bumaba si Sir Li ay nakabihis na ito at papasok na sa trabaho. Finally ay hindi na siya mapapagod at mag-aalala kakaiwas dito dahil nitong mga nagdaang araw na 'inaalagaan' siya nito ay gulong-gulo ang isip niya at palaging hindi mapakali dahil maya't maya ang punta nito sa kwarto niya. Minsan, tuwing gabi na hindi siya makatulog (pero nagpapanggap na tulog), nahuhuli niya itong pumapasok sa kaniyang silid at tinitingnan ang kalagayan niya.
Ayaw niya sa ginagawa nito. Ginagawa lang ba nito i
