PAAKYAT na sana si Stanli sa kuwarto nang may maalala. Agad siyang bumaba ng hagdan at binalikan ang kotse niya sa labas. May kinuha siyang paper bag sa may front seat at akmang paalis nang muli nang makita ang mga naka-brown supot sa may backseat.
Naalala niyang iyon ang mga dala ni Yanah kanina. Pati iyon ay kaniyang kinuha at habang naglalakad pabalik sa loob ay naisip niyang silipin ang laman niyon. Basa na rin ang lagayan dahil sa ulan. At ganoon na lang ang pagkunot ng noo niya nang makita ang tatlong piraso ng librong binili nito. Gusto niyang magalit sa store at publisher ng mga nasabing libro dahil hindi man lang nag-abala ang mga ito na i-secure ang packaging ng produkto. Mukhag hindi na mapapakinabangan ang mga libro dahil nabasa na ang mga iyon.
Mga pang-personal use naman a
