HABANG nasa biyahe sila pauwi ay pansin ni Yanah ang pananahimik at kaseryosohan ni Stanli habang nagda-drive. Panay lang ang sulyap niya rito ngunit hindi nagtangkang magtanong kung ano'ng problema. Marahil dahil sa trabaho dahil may kailangan nga raw itong asikasuhin sa Maynila dahil may tumawag daw dito. Ayaw niyang makadagdag pa sa problema nito kaya hindi na lang din siya kumikibo.
Ni hindi sila nakapagpaalam nang maayos sa mga bantay ng mansyon. Pagkaempake nila ng mga gamit ay dere-deretso silang lumabas ni Stanli at sumakay sa sasakyan nito at umalis. Malayo-layo na rin ang nabibiyahe nila. Nasa highway sila. Mayamaya ay huminto sila sa tapat ng isang restaurant.
"Kumain muna tayo," aya sa kaniya ni Stanli. Agad na tumalima si Yanah at kinalas ang seatbelt. Naalala niya, 'yong m
