MAHIGPIT ang kapit ni Yanah sa braso ni Stanli habang naglalakad sila papasok sa isang restaurant. Bahagya siyang nakatungo dahil ayaw niyang makita na pinagtitinginan sila. Medyo marami ang tao roon at hindi talaga niya inaasahan na sa ganoong klaseng lugar siya dadalhin nito.
"Good evening, Ma'am, Sir!" magiliw na bati sa kanila ng waiter.
"Good evening. I have made a reservation earlier," pormal namang tugon ni Stanli.
"Yes, Mr. Gomez. This way , please."
Bago siya iginaya ni Stanli sa puwestong itinuturo ng lalaki ay naramdaman niya nang bahagya nitong pisilin ang kaniyang kamay.
"Relax lang, Yanah." Malambing ang boses nito at nakangiti nang matamis.
"E-Eh, S-Sir. Stan... B-Bakit dito tayo...?" Hindi siya magkandatuto sa sasabihin.
Mas lalong lumapad ang pagkakangiti nito. "G
