OBP 27
DANA
Gumagawa ako ng requirements sa kusina. Karamay ko 'tong kape. May time pa naman ako gawin 'to kasi hindi pa deadline ng pasahan. Hindi lang talaga ako makatulog kanina kaya heto na lang. Lalamayan, kunwari deadline na bukas.
"Uy, bakit gising ka pa? Past 12:00 na." Si Abby 'yan. Kumuha ng tubig sa ref.
"Bakit gising ka pa din?" pabiro kong tanong sa kanya. "Gumagaw ako reqs." Humigop ako ng kape. "Kape tayo Ate Abby. Pampatapang to."
"Para may tapang akong ipaglaban si Sela, ganun?"
Nagtaas-baba ang kilay ko. "Natututo ka na! haha. Pagtimpla kita."
Pinagtimpla ko na nga siya. Mukhang hindi rin makatulog e. Nakapangalumbaba siya habang hinihintay itong special coffee ala Danababe. Hehe.
Pagkahain ko sa kanya ng kape ay inamoy pa niya ang aroma nito.
"Hindi mo nilagyan
