JINZO

REYNA

Maya-maya pa ay dumarami na ang mga bituin sa kalangitan. Unti-unti nang nahahawi ang ulap na para bang isang tunay na pag-ibig na dumaan lang at hindi na muli babalik. Dito na rin nagpakita ang maliwanag at bilog na buwan na katulad ng reyalidad na kahit kailanman ay hindi magbabago.

Tila ba’y ang maliwanag na buwan para kay Ezra ay nagpapaalala ang isang lumang pangako. Na kahit kailanman ay hindi na niya muling maririnig pang muli.

“Gising ka pa pala,” isang boses ng isang babae ang tumawag kay Ezra.

Sa paglingon ng Hari sa kanyang likuran ay nakita niya ang isang babae na nasa edad singkuwenta. Lumipas na ang kagandahan nang babaeng ito at ang tanging natira na lamang ay ang kanyang maamong mga mata. Mahaba ang kanyang buhok na may bakas na rin nga mga kulay pilak na mga uban. Lu