Fern Araojo
TAHIMIK ANG bahay ni Mr. Buenavista, mukhang ang matandang kasambahay nito ay nag-iisa lang din sa bahay. Wala masyadong gamit at halatang hindi ito ang kanyang tinitirahan. Mukhang totoo nga na kapag may trabaho ay nandito siya tumutuloy.
“Sit down, iha.” Nilahad niya ang upuan na nasa tabi ko. Malaki ang bahay kahit walang tao.
Umupo siya at tinignan ang larawan, umupo na rin naman ako at naghihintay ng sasabihin niya.
“Lilac?” taka niyang tanong at umangat ang tingin sa akin. “Anak ka niya?”
“Anak niya ho ako… patay na ho siya.”
Napahilig siya sa upuan at tumango.
“And you are here because?”
“Walang ibang nakarelasyon ang aking ina kundi ikaw, bago siya pumasok sa kumbento at nanilbihan bilang madre. Ikaw lamang ang lalaking dumaan sa buhay niya.” Gumalaw ang panga n
