Kabanata 55: Chaos
SOBRANG nagkakagulo sa tapat ng kubol na pagmamay-ari ng namayapang Lusing Cordova. Iyak na iyak ang mga taong nagmamahal at napagaling ng pamilya lalo na’t naupos ang kubol mula sa pagkakasunog. Walang nakaresponde at huli na ang lahat. May na-recover na katawan ng babaeng buntis sabi ng pulisya na nasunog ng buhay.
“Ate Sharon! Bakit naman ganito ang nangyari sa ‘yo! Ate!” sigaw ni Estella at naglulupasay habang yakap-yakap ni Madrid na umiiyak din. Nang napag-alaman nilang may nangyaring trahedya ay agad silang pumuntang mag-asawa ro’n.
“Nakakahabag ang nangyari na ito. Tila malaki ang galit nila sa pamilya at talagang sinaid silang lahat. Nakakatakot at kahindik-hindik ang pagkamatay nila. Wala naman silang ibang ginawa kundi ang maging mabait at tumulong sa kapwa
