Kabanata 33: Laughter
Sharon’s POV
“MAGANDANG ARAW PO!” pagbati ni Estella nang nakarating na sila sa kanilang kubol na ikinangiti niya. Kasama nito ang asawa at sinundo sila ni Pancho para maihatid dito at maging pamilyar si Madrid sa daan patungo rito.
“Magandang araw din sa ‘yo, Apo. Masaya ako at nakapunta ka na rito dahil gustong-gusto talaga kitang makita at makausap lalo na’t nakukwento ng apo ko,” sambit ni Lola Lusing na ikinamula ng mga pisngi ni Estella na may bitbit pa lang buslo.
“Maraming salamat po pala sa pagtanggap sa asawa ko rito. Pasensiya na po sa abala at hindi ko rin po kasi masasamahan siya lalo na’t may trabaho po ‘ko sa minahan,” singit ni Madrid na may hawak-hawak na bag.
Ngumiti naman si Lola Lusing sa kanilang mag-asawa. “Naku, lahat ng mga kaibigan ni Sha
