Kabanata 44: Dizzy
Pancho’s POV
MARAMING trabaho sa minahan kinabukasan kaya’t doble ang kayod niya pati na rin ang kaniyang mga kasamahan.
“Oy, Pancho! Halika nga rito!” sigaw ni Bodjie at napakunot naman ang kaniyang noo habang nakatingin sa gawi nito.
“Ano’ng problema mo r’yan, Bodjie? Nakikita mong may ginagawa si Pancho,” asik ni Kuya Cantor na katabi niyang nagsasalansan ng mga tipak ng bato na nakuha sa minahan.
Sinamaan naman ito nang tingin ni Bodjie. “Hindi naman kita pinapakailaman d’yan at si Pancho ang tinatawag ko. Bakla ka ba? Bakit ka nakikialam?”
“Tirahin ko pwet mo para malaman mo hinahanap mo,” nakangising turan ni Kuya Cantor at agad naman pumagitna si Madrid.
“Ano ba’ng kailangan mo kay Pancho, Bodjie?” tanong ni Madrid.
“Sabihin mo kay Boss Mindo na darating m
