Kabanata 39: Glimpse
Sharon’s POV
SOBRANG lakas ng kabog ng kaniyang dibdib. Humihikbi na siya pero pinapakalma siya ni Estella at sinasabing makakasama sa kaniyang kambal ang sobrang pag-iyak at baka duguin siya. Kahit papaano’y pilit niyang nilalabanan ang emosyon niya lalo na’t hindi matutuwa si Pancho oras na malaman nito na napahamak silang tatlo. Uminom siya ng tubig at pinahiga na rin siya nito sa kaniyang higaan.
“Magiging maayos din ang pakiramdam ni Kuya Pancho. Baka napagod lang kaya’t nagkagano’n. Ate Sha.” pagpapakalma sa kaniya nito at napapikit siya.
“Sana nga, Estella. Hindi ko mapapatawad ang sarili ko kung may mangyari kay Pancho. Hindi ko kayang mawala siya sa ‘min ng kambal,” aniya at marahang idinilat niya ang kaniyang mga mata.
Napabuntonghininga naman ito. “Wal
