Chapter 26: Hindi lahat ng kumikinang ay ginto part 2
"Humingi ng tawad sa akin? Ni sa panaginip mo hindi mangyayari iyon. Ikaw ang dapat lumuhod at humingi ng tawad sa akin dahil sa mga panh-iinsulto mo." Ginalingan ni Gina ang pagpapanggap bilang biktima sa harap ni Mike, kaya't pati mga mata niya ay tila namasa, parang talagang apektado siya.
"Binayaran niya si Petter para palayasin ako sa bar! Masama ang loob niya, hindi niya matanggap na tinanggal siya sa pamilya Lancaster. Hintayin n'yang dumating ang kuya ko, pagsisisihan niya ang lahat ng sinabi niya sa akin."
Marinig pa lang na maaaring papunta na si Alexander dito ay nandilim na ang paningin ko sa galit. Siya ang huling taong gusto kong makita sa buhay ko. Sino pa kaya ang balak niyang tawagin para ipagtanggol siya? Ang Presid
