"Sinabi ko naman sa 'yong wala kang dapat na isipin na iba, ayos lang ako na lang ang magtatapos ng iba mo pang gagawin, kaya naman ng ganda ko e, baka Raula Mae 'to, tama na ako na ang bahalang tumapos," masayang-masaya na sabi ni Eduardo sa kanya.
Paakyat sila sa ikalawang palapag ng bahay niya. Alam niya kung ano ang dahilan kung bakit dito ngayon matutulog si Eduardo.
Dinadamayan nito ang sawi niyang puso..
Kanina pa niya napapansin ang pagbubukas nito ng iba't ibang pag-uusapan at nililigaw ang isip niya sa ibang bagay para lang hindi niya maisip si Emitt.
Hindi na siya nagulat. Noon pa man ay ganito na si Raula Mae kapag nasasaktan siya ni Emitt.
Mabuting kaibigan...
Kaso nakapako na ang isip niya kay Emitt at sa nalaman niya. Nagkabalikan nga ang dalawa. Ano pa nga ba? Ano
