"Bakit hindi mo gisingin si Dak para sabay-sabay na tayong tatlo mag-agahan," sabi ng Lola niya. Nakabihis siya at balak na mamasyal ng mag-isa para makapag-isip naman siya kahit papaano. Hindi niya man lang nabigyan ng oras ang sarili para magpahinga sa trabaho.
Kaya binibigay niya ang araw na 'to para sa sarili niya.
Tsaka siya pupunta sa bahay ni Raula Mae para doon tumambay at tapusin ang inuwi niyang trabaho.
Akala niya gagaan ang pakiramdam niya rito sa bahay niya kaso hindi niya alam. Ayaw na muna niyang manatili rito.
Hindi niya rin gustong makita muna si Dak lalo sa mga sinabi nito sa kanya kagabi.
Hindi nagsabi sa kanya si Dak kung ano ba talaga ang nararamdaman nito sa kanya. Ang tatlong salitang hinihintay niya para maliwanagan at maintindihan niya ang mga salitang pin
