Nang maihatid na siya ni Emitt ay iniwan din siya nito kaagad. Akala niya ay mananatili pa ito sa bahay niya ng ilang oras.
Dahil nga baka gusto nitong mag-usap pa sila.
Ikamusta na lang daw niya ito sa Lola niya. Kaya hindi an siya umangal. Malalim na rin kasi ang gabi.
Hindi alam ni Katrina kung ano ang kalalabasan nitong pag-amin niya kay Emitt pero kahit papaano ay gumaan na ang loob niya sa wakas.
Nabawasan kahit papaano ang iisipin niya. Masayang-masaya siya dahil doon.
Nang makita niyang tahimik ang loob ng bahay nang pumasok siya ay nalaman niya agad na tulog na ang Lola niya at siguro gano'n din si Dak.
Tumaas na lang siya sa ikalawang palapag para makapagpahinga na siya. Kailangan na niyang itulog lalo't nakainom siya at wala naman siyang pasok bukas.
Mahaba-haba ang pa
