Tulad ng inaasahan, hindi na tiyak ni Dianne kung paano haharapin si Franco kinabukasan. May mga bakas ng halik nito sa leeg niya kaya't pinaakyat niya na lang ang kape sa katulong habang naliligo siya. Kailangan nilang umalis nang maaga kung ayaw niyang makita ng Mama't Papa niya ang mga bakas na iyon na wala naman kahapon. Nag-makeup siya nang makapal at inilugay ang buhok. Nasa komedor na ang Mama't Papa niya nang bumaba siya dala ang gamit.
"Alas siyete pa lang. Bakit hindi ka muna mag-almusal?" tanong ng Mama niya.
"Sa opisina na lang ho, Ma." Humalik siya sa mga magulang nang magpaalam.
"Evaluate your employees, Dianne. Kung may mapansin kang kahina-hinala tanggalin mo na kaagad. Hindi natin kailangan ng anay sa opisina. Maraming nangangailangan ng trabaho na mas deserving ng ti
