"Bakit malaki pa ang payables natin sa supplier na 'to, Mr. Socorro? Hindi ba't nag-issue na tayo ng two hundred thousand para sa repair ng vessel last month?" Kasalukuyan niyang pinapasadahan ang listahan ng pinagkakautangan ng kompanya dahil nag-uumpisa na ang pag-i-imbestiga niya.
"May mga bagong dating na spare parts noong isang linggo, Dianne."
"Four hundred thousand? Paanong hindi na tayo nauubusan ng binibiling spare parts?"
"It is a request coming from Lydia. Iyon daw ang request sa kanya ng warehouse supervisor."
Sumasakit ang ulo niya sa sala-salang katwiran. Kapag kinakausap niya si Lydia ay si Mr. Socorro ang itinuturo nito. Kapag si Mr. Socorro naman ang kausap niya ay si Lydia ang may pagkakamali.
Mabuti na lang dahil walang alam ang mga ito na alam niya nang may namamag
