WARING may humaplos sa puso ni Roselle sa tumambad sa kanyang paningin. Si Frederick na nakatagilid nang higa at nakayakap sa anak niya. At sa itsura ay waring nakatulugan nito ang pagtapik sa hita ni Juniel.
Nangilid ang luha niya. Alam niyang hindi na mauulit ang pangyayaring ito sa kanyang anak. Muli siyang napabuntong-hininga bago humakbang at dumiretso sa banyo.
Nilunod niya ang nagbabanta pang mga luha sa paghihilamos. Nakalma na niya ang sarili nang lumabas at saka nagpalit ng damit-pantulog.
Lumapit siya sa gawi ni Frederick. At anyong gigisingin ito upang palipatin sa inilatag niyang blanket. Subalit nang dumantay ang kanyang palad sa balikat nito ay nadama niyang mainit kaysa karaniwan.
Nakainom kasi, naisip niya.
Nagdesisyon siyang huwag na lamang itong gisingin. Kinonside
