CRUISHA MARTINEZ
“Cruisha, bumangon ka na. Ma-late ka sa trabaho mo,” rinig niyang sabi ni Julie, pero tinalukbong lang niya ang kumot sa buong katawan at mukha niya.
Wala siyang ganang bumangon. Ano pa ang silbi kung magtatrabaho pa siya? Kung ang taong unti-unti niyang minahal ay niloko siya at ito pa mismo ang nagmay-ari ngayon ng hospital na pinaghihirapan ng buong pamilya niya. Pati siya nilaan niya ang buong oras para maitaguyod ng maayos ang hospital, pero sa huli nawala na lang na parang bula. Ang pinakaayaw pa naman niya ay manloloko at manggagamit. Huminga siya ng malalim at marahas na pinunasan ang kanyang mga luha, pero patuloy pa rin itong tumutulo. Gusto niyang mapag-isa. Gusto niyang lumayo sa problema, pero paano?
Ngayon lang siya ulit nagmahal, pero i
