Panay ang sunod niya sa kaibigan na kung anu-ano ang binibili. Mas pinili niyang samahan ito kaysa magpahinga kahit puyat siya sa pag-aaral. Laking pasalamat niya at tapos na ang unang taon niya sa kolehiyo. Isa na itong malaking tagumpay para sa kanya. Sana lang ay maganda ang resulta ng exams niya.
"Elena, bagay ba ito sa akin?" Tanong ng kaibigan at ipinakita ang isang maikling damit. Tumango siya at ngumiti. Pang ilang beses na iyong itinanong sa kanya. Totoo namang bagay dito ang lahat ng mapili dahil maganda ito.
"Ikaw, anong gusto mo?" Agad siyang umiling. Ayaw niyang isipin nito na nagtetake advantage siya sa kabaitan ng dalaga ngunit hindi ito nakinig at ipinagbili rin siya ng damit. Napagod ito sa pag-iikot at nag-ayang kumain. Napili nito ang isang steak house na may nakakalu
