Chapter 40
Gulat silang pareho nang madatnan nilang nakaupo sa harap ng pinto ng bahay ang binatang si Jude. Nanlaki kaagad ang butas ng ilong ng dalagang si Jordan nang mamataan ang kapatid.
Inis itong bumaba ng sasakyan na hindi man lang inayos sa pagparada. Kaagad na sumunod si Selestina sa kaibigan.
“Ano na naman ba ang ginagawa mo rito?” galit na kaagad na tanong ni Jordan sa kapatid.
Kaagad itong sumimangot. “Ito naman, oo, galit kaagad. Binibisita ka lang, eh,” nagmamaktol nitong sagot habang nakanguso.
“Hindi mo ako binibisita. Biniubuwisit mo ako. Tsk! Umuwi ka na!” pagtataboy kaagad ng dalaga sa kapatid ngunit gulat na lamang ito nang akayin ni Selestina ang binata papasok sa loob ng bahay.
Sa kabila ng inis sa mukha ni Jordan ay nakangisi namang sumunod ang kapatid sa
