Hindi pa rin umiimik si Jacob. Nananatiling nakatingin lang ito sa ipad.
“Napagalitan ka ba ng daddy mo?” tanong ulit niya dito.
Doon lang ito sumagot, pero iling at tango lang ang ginawa nito. Bigla naman siyang naguluhan.
“Ano ba talaga iyon Jacob? Malay mo matulungan kita. O kung gusto mo ako na lang kakausap sa daddy mo,” sabi niya.
Lumingon ito sa kanya. Napansin niyang unti-unting nawala ang lungkot sa mga mata nito. “Really? You’re going to do that?” ang umaasang tanong nito.
“Oo ba! Basta kaya ko eh.” Nakangiting sagot niya dito.
Nawala sa isip niya kung ano nga ba ang nangyari at nagkakaganoon ito. Basta noong makita niya itong malungkot naawa siyang bigla dito na hindi rin naman niya maintindihan ang sarilo kung bakit.
“Eh kasi, I asked Daddy if he could buy me a dog but
