Nang matapos sa agahan ay sumama kami kina Itay Fidel upang tumulong din sa pagtatanim ng palay. Siya namang hindi pagpayag ng mga kalalakihan sa amin.
"Doon ka nga lang, Fatima! Samahan mo sina Karla roon, ako na rito at hindi ka naman marunong!" tila nagpipigil na sambit ni Lenard dahilan para pagtaasan siya ng kilay ni Fatima.
"Hoy, for your information— baka turuan pa kita. Ako pa talaga ang hindi marunong," palatak ni Fatima, "Itay, oh! Hindi raw ako marunong!"
Sabay-sabay kaming natawa nang hindi man lang siya pansinin ni Itay Fidel, abala na kasi ito sa pagtatanim. Rason iyon upang nanggagalaiting hinampas niya si Lenard sa braso.
"Diyan ka na nga, tutal gustung-gusto mo naman matulog sa labas ng kulambo." Iniwan niya na ito at mabibigat ang paang nilapitan kami.
"Hoy, joke lan
