Kinaumagahan nang magising ako dahil sa ingay na nanggagaling sa labas, bukod pa sa tilaok ng mga manok ay paulit-ulit pang may pumupukpok, tila ba paraan iyon upang gisingin kami.
Sakto naman nang malingunan ko si Felix sa tabi ko, gising na rin ito ngunit nananatili lamang sa kaniyang pagkakahiga habang nakatitig sa akin. Tantya ko ay kanina pa nito pinagmamasdan ang mukha ko habang tulog.
Sa isiping iyon ay bulgar na namula ang pisngi ko. Kalaunan nang umahon ito at deretso ang bagsak ng kaniyang labi sa pisngi ko, rason upang magmukha akong kumukulong takuri sa sobrang init ng nararamdaman.
"Magandang umaga," aniya na siyang ngiting-ngiti pa. "Sa lahat ng umaga ko, ito lang iyong maganda."
Hindi ako nakapagsalita, hindi ko na makapa ang sariling dila at para akong tuod na sumunod n
