Buong biyahe yata ng truck ay nakanganga lang ako habang hindi pa rin makapaniwala sa nangyayari ngayon. Lalo na sa parteng narito ang tatlong magkakapatid na Fajardo.
Tila ba kay liit ng mundo at dito pa kami pinagtagpo-tagpo. Si Fatima na kapatid ni Felix ay siyang girlfriend ni Lenard. Kaya pala medyo pamilyar sa pandinig ko noong una kong marinig iyon kay Lenard sa isla.
Samantala, si Francis na naroon sa driver's seat at patuloy sa pagda-drive ay siyang kambal ni Felix. Hindi ko siya namukhaan kanina dahil sa suot nitong sumbrero, marahil ay upang 'di makilala.
Hindi kaya siya rin ang nakita ko noon sa kumpanya ni Lenard na naglilinis?
Huminga ako nang malalim, kasabay nito ay ang masuyong paghaplos ni Felix sa braso ko dahilan para malingunan ko siya. At hanggang ngayon ay hindi
