"Hindi!" sigaw ko at agarang napatayo sa kinahihigaan, kapagkuwan ay nanlulumong napabulong sa hangin, "Hindi totoo 'yon. Hindi pa siya patay."
Nang sabihin iyon ni Ama ay literal akong pinagbagsakan ng langit at lupa, pakiramdam ko ay tuluyan nang nawalan ng saysay kung bakit mas pinipili ko pang mabuhay ngayon.
Hindi ako naniniwalang patay na si Felix kasi bakit ganoon? Bakit nakita ko siya sa kumpanya ni Lenard? Bakit siya naroon? Kung hindi si Felix iyon, bakit nag-aasam pa rin ang puso ko?
Bakit? Ayokong maniwala pero ang kawalan ng presensya ni Felix ay siyang naglulugmok sa akin sa kalungkutan, tahimik akong umiiyak para sa namatay din naming pagmamahalan.
Ilang araw na ba ang lumipas? Higit dalawang linggo na yata, tunay ding minadali ni Ama ang lahat dahil sa susunod na buwan
